ایکنا نیوز کے مطابق بین الاقوامی ویبنار بعنوان «کتاب عزیز» ایکنا کے تعاون سے منعقد کیا گیا جس کا مقصد توہین قرآن کو روکنا ہے۔
عالمی علما الائنس کے سیکریٹری جنرل علی محیالدین قره داغی نے قطر سے ویبنار میں خطاب کرتے ہوئے کہا: اس ویبنار میں شرکت باعث افتخار ہے، ہمیں جان لینا چاہیے کہ ہمارے مقدسات توہین کے خطرے سے محفوظ نہیں، دو ارب مسلمانوں کے جذبات مجروح ہوچکے ہیں، دشمنوں اور صہیونسٹوں کی مذمت سے قبل ہمیں اپنی جانب دیکھنا چاہیے کیونکہ ساٹھ اسلامی ممالک ہوتے ہوئے ہم نے کچھ نہ کیا۔
قره داغی کا کہنا تھا: اگر ہم متحد ہوتے تو دشمن یہ جرات نہ کرتے، اس سے پہلے رسول گرامی اسلام کی توہین کرتے رہے ہیں، آج قرآن کو ڈنمارک اور سوئیڈن میں جلایا جارہا ہے اور میرا ایمان ہے کہ یہ سلسلہ جاری رہے گا۔
انکا کہنا تھا: علما الاینس اور الازھر کا مطالبہ ہے کہ ان ممالک سے سفارتئ تعلقات ختم کرکے ان کا بائیکاٹ کرنا چاہیے تاکہ موثر آواز بن سکے۔
علما الاینس کے رہنما کا کہنا تھا: ہمارے لیے ایک اور مقدس مقام قدس شریف ہے جس کی توہین کی جاتی ہے اور فلسطینی مساجد میں قرآن کی توہین ہوتی ہے۔
انکا کہنا تھا: لہذا ضرورت ہے کہ ایسا لائیحہ عمل بنایا جائے اور موثر بائیکاٹ ہونا چاہیے اور ان سے تمام معاملات ختم کی جائے تاکہ ایسا اقدام مزید نہ کیا جاسکے اور اسلامی ممالک اپنے سرمایے انکے بینکوں میں رکھنے سے گریز کریں۔/
4159840