اقوام متحدہ کا غزہ میں امداد کے منتظر فلسطینیوں پر حملے کی تحقیقات کا مطالبہ

ایکنا: اقوام متحدہ کے سیکرٹری جنرل انتونیو گوتریس نے غزہ میں امداد کے منتظر فلسطینیوں پر اسرائیلی حملے کے نتیجے میں 100 سے زائد اموات کی تحقیقات کا مطالبہ کردیا۔

ایکنا انٹرنیشنل ڈیسک کے مطابق غزہ واقعے کے حوالے سے  یورپی خارجہ پالیسی کے سربراہ جوزف بوریل نے نہتے فلسطینیوں کا قتل عام ناقابل قبول قرار دے دیا۔

امداد کے منتظر فلسطینیوں کی اموات پر فرانس اور اسپین نے بھی شدید مذمت کی اور فرانسیسی صدر میکرون نے کہا کہ حملے کا کوئی جواز دیا جاسکتا ہے۔

ادھر اسرائیلی حملے کے ردعمل میں حماس نے اسرائیل کے ساتھ تمام مذاکرات روکنےکی دھمکی دی اور کہا کہ مذاکرات نہتے اور لاچار فلسطینی قوم کے خون سے زیادہ اہم نہیں ہیں۔

واضح رہے کہ گزشتہ روز اسرائیلی فوج نے غزہ کے جنوب مغربی علاقے الرشیداسٹریٹ پر موجود امداد کے منتظر نہتے فلسطینیوں پر لڑاکا ہیلی کاپٹروں سے حملہ کیا جس کے نتیجے میں 104 فلسطینی شہید اور 760 فلسطینی زخمی ہوئے۔/