Algeria yataka wachezaji wake wapewe nakala za Qur’ani Kombe la Dunia
Kwa mujibu wa mwandishi wa IQNA, ikiwa imesalia chini ya miezi miwili kabla ya Kombe la Soka la Dunia la FIFA kuanza nchini Brazil, gazeti moja la Brazil limeripoti kuhusu matakwa ya baadhi ya nchi zinazoshiriki katika mashindano hayo.
Algeria imetaka nakala za Qur’ani ziwekwe katika vyumba vyote vya wachezaji na maafisa wa timu yake. Algeria ni nchi ya Kiislamu iliyo katika eneo la Afrika Kaskazini ambapo karibu asilimia 99 ya wakaazi wake ni Waislamu.
Wakati huo huo Ufaransa nayo imetaka chakula halali cha Kiislamu katika hoteli ambayo watakaa wachezaji na maafisa wa timu yake ya taifa. Ombi hilo la Ufaransa limetokana na kuwa kuna wachezaji kadhaa Waislamu katika timu hiyo ya Ulaya Magharibi.
Kombe la Dunia la FIFA 2014 linatazamiwa kufunguliwa kwa sherehe rasmi Juni 12 ambapo mechi ya ufunguzi itakiwa baina ya Brazil na Croatia Ijumaa Juni 13.
